Burime nga grupi hetimor që po heton për vrasjen e Regis Runajt, para pak ditësh në Elbasan, bëjnë me dije se kanë dyshime që personat të cilët e rrëmbyen dhe e vranë 23-vjeçarin ishin të njohur të tij. Kjo për faktin se ai doli me dëshirë nga banesa, pas një telefonate të shkurtër.<br /><br />Po kështu banorë të zonës ku jetonte 23-vjeçari nuk kanë dëgjuar për konflikt dhe i riu rezulton se është larguar me personat që dyshohet se e vranë, me vetëdije.<br /><br />Gjithashtu hetuesit kanë ngritur dyshime se personat që kanë ekzekutuar Emiljano Ramazanin më 20 Korrik, mund të kenë vrarë edhe Regis Runajn mbrëmjen e 30 Korrikut.<br /><br />Kjo pasi mendohet se i riu mund të ketë patur informacion për vrasjen e shokut të tij Emiljano Ramazani. Duke qenë se dy viktimat dyshohet se merreshin me drogë, mund të jetë e njëjta dorë që ka kryer vrasjet.<br /><br />Aktualisht policia ka sekuestruar pistoletën me të cilën e vra Emiljano Ramazani dhe shpreson të gjejnë gjurmë të ekzekutorit. Për vrasjen janë arrestuar babë e bir dhe një person tjetër, pasi në një servis në Peqin u gjet pistoleta që u përdor për ekzekutimin e tij.<br /><br />3 vrasje kanë ndodhur në Elbasan brenda 3 ditëve, duke ngritur shqetësimin e policisë për përplasje mes grupeve kriminale. Për këtë arsye RENEA dhe FNSH kanë ushtruar kontrolle mbrëmjen e së premtes në Elbasan dhe periferitë e qytetit. Disa persona janë ndaluar si të dyshuar për ngjarjet kriminale, por ende nuk janë siguruar prova.<br /><br />Tv Klan<br /><br /><br />SUBSCRIBE to ?RTV KLAN? on YouTube for more videos!<br /><br />Për më shumë informacione vizitoni faqen tonë web https://tvklan.al/<br />Videot e fundit nga Tv Klan i gjeni në faqen https://tvklan.al/video/<br />Follow Tvklan on Facebook: https://www.facebook.com/tvklan/<br />Follow rtvklan on Instagram: https://www.instagram.com/rtvklan/<br />Programet e Tv Klan mund t?i ndiqni edhe në faqen https://tvklan.al/programe/
